ਆਪਣੇ iPhone ਤੋਂ ਆਪਣਾ ਇੰਟਰਨੈੱਟ ਕਨੈਕਸ਼ਨ ਸਾਂਝਾ ਕਰੋ
ਤੁਸੀਂ “ਫ਼ੌਰੀ ਹੌਟਸਪੌਟ” ਫ਼ੀਚਰ ਦੀ ਵਰਤੋਂ ਕਰ ਕੇ ਆਪਣੇ iPhone ਤੋਂ ਦੂਜੇ ਡਿਵਾਈਸਾਂ ਨਾਲ ਇੰਟਰਨੈੱਟ ਕਨੈਕਸ਼ਨ ਸਾਂਝਾ ਕਰ ਸਕਦੇ ਹੋ। “ਫ਼ੌਰੀ ਹੌਟਸਪੌਟ” ਵੱਲੋਂ ਤੁਹਾਡੇ iPhone ’ਤੇ “ਨਿੱਜੀ ਹੌਟਸਪੌਟ” ਦੀ ਵਰਤੋਂ ਕੀਤੀ ਜਾਂਦੀ ਹੈ ਅਤੇ ਇਹ ਉਦੋਂ ਲਾਹੇਵੰਦ ਹੁੰਦਾ ਹੈ ਜਦੋਂ ਤੁਹਾਡੇ ਦੂਜੇ ਡਿਵਾਈਸ ਕੋਲ Wi-Fi ਨੈੱਟਵਰਕ ਤੋਂ ਇੰਟਰਨੈੱਟ ਦਾ ਐਕਸੈੱਸ ਨਹੀਂ ਹੁੰਦਾ।
ਤੁਹਾਡੇ ਨਿੱਜੀ ਹੌਟਸਪੌਟ ਨਾਲ ਦੂਜੇ ਡਿਵਾਈਸਾਂ ਨੂੰ ਕਨੈਕਟ ਕਰਨ ਦੇ ਕਈ ਤਰੀਕੇ ਹਨ:
Wi-Fi ਸੈਟਿੰਗਾਂ ਰਾਹੀਂ ਆਪਣੇ ਦੂਜੇ ਡਿਵਾਈਸ ਨੂੰ ਆਪਣੇ iPhone ਨਾਲ ਕਨੈਕਟ ਕਰੋ।
ਆਪਣੇ ਦੋ ਡਿਵਾਈਸ Bluetooth® ਨਾਲ ਪੇਅਰ ਕਰੋ।
ਕੇਬਲ ਰਾਹੀਂ ਆਪਣੇ ਦੂਜੇ ਡਿਵਾਈਸ ਨੂੰ ਆਪਣੇ iPhone ਨਾਲ ਕਨੈਕਟ ਕਰੋ।
ਤੁਸੀਂ ਆਪਣੇ iPhone ਤੋਂ ਦੂਜੇ iPhone, iPad, Mac, Windows ਡਿਵਾਈਸ ਅਤੇ ਹੋਰਾਂ ਨਾਲ “ਨਿੱਜੀ ਹੌਟਸਪੌਟ” ਸਾਂਝਾ ਕਰ ਸਕਦੇ ਹੋ।
ਨੋਟ: ਨਿੱਜੀ ਹੌਟਸਪੌਟ ਸਾਰੇ ਨੈੱਟਵਰਕ ਪ੍ਰਦਾਤਾਵਾਂ ਵੱਲੋਂ ਉਪਲਬਧ ਨਹੀਂ ਹੈ। ਵਾਧੂ ਫ਼ੀਸਾਂ ਲਾਗੂ ਹੋ ਸਕਦੀਆਂ ਹਨ। ਇੱਕੋ ਸਮੇਂ ‘ਤੇ ਤੁਹਾਡੇ “ਨਿੱਜੀ ਹੌਟਸਪੌਟ” ਨਾਲ ਕਿੰਨੇ ਡਿਵਾਈਸ ਜੁੜ ਸਕਦੇ ਹਨ, ਇਹ ਤੁਹਾਡੇ ਨੈੱਟਵਰਕ ਪ੍ਰਦਾਤਾ ਅਤੇ iPhone ਮਾਡਲ ‘ਤੇ ਨਿਰਭਰ ਕਰਦਾ ਹੈ। ਵਧੇਰੇ ਜਾਣਕਾਰੀ ਲਈ ਆਪਣੇ ਨੈੱਟਵਰਕ ਪ੍ਰਦਾਤਾ ਨਾਲ ਸੰਪਰਕ ਕਰੋ।
ਸ਼ੁਰੂ ਕਰਨ ਤੋਂ ਪਹਿਲਾਂ
ਹੇਠ ਲਿਖੀਆਂ ਗੱਲਾਂ ਨੂੰ ਯਕੀਨੀ ਬਣਾਓ:
ਡਿਵਾਈਸ ਇੱਕ-ਦੂਜੇ ਤੋਂ 30 ਫ਼ੁੱਟ (10 ਮੀਟਰ) ਦੇ ਰੇਂਜ ਵਿੱਚ ਹਨ।
ਦੋਵੇਂ ਡਿਵਾਈਸ ”ਫੌਰੀ ਹੌਟਸਪੌਟ” ਲਈ ਘੱਟ ਤੋਂ ਘੱਟ ਸਿਸਟਮ ਲੋੜਾਂ ਪੂਰੀਆਂ ਕਰਦੇ ਹਨ।
ਜੇਕਰ ਤੁਸੀਂ VPN ਦੀ ਵਰਤੋਂ ਕਰ ਰਹੇ ਹੋ ਤਾਂ ਯਕੀਨੀ ਬਣਾਓ ਕਿ ਇਸ ਦੀ ਕੌਨਫ਼ਿਗ੍ਰੇਸ਼ਨ ਸਥਾਨਕ ਨੈੱਟਵਰਕਿੰਗ ਨੂੰ ਨਹੀਂ ਰੋਕਦੀ ਹੈ ਕਿਉਂਕਿ ਇਸ ਨਾਲ ਕੁਝ ਕੰਟੀਨਿਊਟੀ ਫ਼ੀਚਰਾਂ ਵਿੱਚ ਰੁਕਾਵਟ ਆ ਸਕਦੀ ਹੈ।
ਜੇਕਰ ਤੁਸੀਂ ਆਪਣੇ Apple ਡਿਵਾਈਸਾਂ ਨਾਲ ਆਪਣਾ “ਨਿੱਜੀ ਹੌਟਸਪੌਟ” ਸਾਂਝਾ ਕਰ ਰਹੇ ਹੋ ਅਤੇ ਜੇਕਰ ਤੁਸੀਂ ਇੱਕੋ ਹੀ Apple ਖਾਤੇ ’ਤੇ ਸਾਈਨ ਇਨ ਕੀਤਾ ਹੋਇਆ ਹੈ ਤਾਂ ਤੇਜ਼ੀ ਨਾਲ ਕਨੈਕਟ ਕੀਤਾ ਜਾ ਸਕਦਾ ਹੈ।
ਨੋਟ: ਤੁਸੀਂ ਆਪਣੇ iPhone ’ਤੇ ਮੋਬਾਈਲ ਇੰਟਰਨੈੱਟ ਕਨੈਕਸ਼ਨ ਸਾਂਝਾ ਕਰ ਕੇ ਹੀ ਨਿੱਜੀ ਹੌਟਸਪੌਟ ਦੀ ਵਰਤੋਂ ਕਰ ਸਕਦੇ ਹੋ। ਤੁਸੀਂ ਆਪਣੇ iPhone ਨੂੰ Wi-Fi ਨੈੱਟਵਰਕ ਨਾਲ ਕਨੈਕਟ ਕਰ ਕੇ ਫਿਰ ਉਸ ਨੈੱਟਵਰਕ ਨੂੰ ਕਿਸੇ ਹੋਰ ਡਿਵਾਈਸ ਨਾਲ ਸਾਂਝਾ ਨਹੀਂ ਕਰ ਸਕਦੇ।
ਆਪਣੇ iPhone ’ਤੇ ਨਿੱਜੀ ਹੌਟਸਪੌਟ ਦਾ ਸੈੱਟ ਅੱਪ ਕਰੋ
ਆਪਣੇ iPhone ’ਤੇ, ਸੈਟਿੰਗਾਂ ਐਪ
’ਤੇ ਜਾਓ।ਮੋਬਾਈਲ ਸੇਵਾ ’ਤੇ ਟੈਪ ਕਰੋ, ਫਿਰ “ਨਿੱਜੀ ਹੌਟਸਪੌਟ ਸੈੱਟ ਅੱਪ ਕਰੋ” ’ਤੇ ਟੈਪ ਕਰੋ।
ਸਕਰੀਨ ‘ਤੇ ਦਿੱਤੇ ਨਿਰਦੇਸ਼ਾਂ ਦੀ ਪਾਲਣਾ ਕਰੋ।
ਸਲਾਹ: ਤੁਹਾਡੇ ਨਿੱਜੀ ਹੌਟਸਪੌਟ ਦਾ ਨਾਮ ਤੁਹਾਡੇ ਡਿਵਾਈਸ ਦਾ ਨਾਮ ਹੀ ਹੁੰਦਾ ਹੈ, ਇਸ ਲਈ ਜੇਕਰ ਤੁਸੀਂ ਆਪਣੇ ਨਿੱਜੀ ਹੌਟਸਪੌਟ ਦਾ ਨਾਮ ਬਦਲਣਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਡਿਵਾਈਸ ਦਾ ਨਾਮ ਬਦਲਣ ਦੀ ਲੋੜ ਹੈ। ਆਪਣੇ ਡਿਵਾਈਸ ਦਾ ਨਾਮ ਬਦਲਣ ਲਈ, ਸੈਟਿੰਗਾਂ
> ਆਮ > ਬਾਰੇ ’ਤੇ ਜਾਓ, ਫਿਰ ਨਾਮ ’ਤੇ ਟੈਪ ਕਰੋ।
ਜਦੋਂ ਤੁਸੀਂ ਆਪਣਾ ਨਿੱਜੀ ਹੌਟਸਪੌਟ ਸੈੱਟ ਅੱਪ ਕਰਦੇ ਹੋ, ਤੁਸੀਂ ਇਸ ਨਾਲ ਕਨੈਕਟ ਕਰਨ ਲਈ ਇੱਕ ਪਾਸਵਰਡ ਸੈੱਟ ਅੱਪ ਕਰਦੇ ਹੋ। ਬਾਅਦ ਵਿੱਚ ਪਾਸਵਰਡ ਬਦਲਣ ਲਈ, ਸੈਟਿੰਗਾਂ > ਮੋਬਾਈਲ ਸੇਵਾ > ਨਿੱਜੀ ਹੌਟਸਪੌਟ ’ਤੇ ਜਾਓ, ਫਿਰ Wi-Fi ਪਾਸਵਰਡ ’ਤੇ ਟੈਪ ਕਰੋ ਅਤੇ ਨਵਾਂ ਪਾਸਵਰਡ ਭਰੋ।
ਜੇਕਰ ਤੁਸੀਂ ਆਪਣੇ iPhone ਦਾ ਦੋ SIM ਵਰਤਣ ਲਈ ਸੈੱਟ ਅੱਪ ਕਰਦੇ ਹੋ, ਤਾਂ ਨਿੱਜੀ ਹੌਟਸਪੌਟ ਵੱਲੋਂ ਉਸ ਲਾਈਨ ਦੀ ਵਰਤੋਂ ਕੀਤੀ ਜਾਂਦੀ ਹੈ ਜਿਸ ਨੂੰ ਤੁਸੀਂ ਮੋਬਾਈਲ ਡੇਟਾ ਲਈ ਚੁਣਿਆ ਹੈ। ਡੂਅਲ SIM ਦਾ ਸੈੱਟ ਅੱਪ ਕਰੋ ਦੇਖੋ।
ਨੋਟ: ਜੇਕਰ ਸੈਟਿੰਗਾਂ > ਮੋਬਾਈਲ ਸੇਵਾ ਵਿੱਚ “ਮੋਬਾਈਲ ਡੇਟਾ” ਚਾਲੂ ਹੈ ਪਰ ਤੁਹਾਨੂੰ ਵਿਕਲਪ ਵਜੋਂ “ਨਿੱਜੀ ਹੌਟਸਪੌਟ ਸੈੱਟ ਅੱਪ ਕਰੋ” ਦਿਖਾਈ ਨਹੀਂ ਦੇ ਰਿਹਾ, ਤਾਂ ਆਪਣੇ ਪਲਾਨ ਵਿੱਚ “ਨਿੱਜੀ ਹੌਟਸਪੌਟ” ਸ਼ਾਮਲ ਕਰਨ ਲਈ ਆਪਣੇ ਨੈੱਟਵਰਕ ਪ੍ਰਦਾਤਾ ਨਾਲ ਸੰਪਰਕ ਕਰੋ।
ਆਪਣੇ iPhone ’ਤੇ ਨਿੱਜੀ ਹੌਟਸਪੌਟ ਨੂੰ ਚਾਲੂ ਅਤੇ ਬੰਦ ਕਰਨਾ
ਆਪਣੇ iPhone ’ਤੇ, ਸੈਟਿੰਗਾਂ ਐਪ
’ਤੇ ਜਾਓ।ਨਿੱਜੀ ਹੌਟਸਪੌਟ ’ਤੇ ਟੈਪ ਕਰੋ।
ਸਕਰੀਨ ‘ਤੇ ਦਿੱਤੇ ਨਿਰਦੇਸ਼ਾਂ ਦੀ ਪਾਲਣਾ ਕਰੋ।
ਪਾਸਵਰਡ ਸੈੱਟ ਕਰ ਕੇ ਤੁਸੀਂ ਇਹ ਚੁਣ ਸਕਦੇ ਹੋ ਕਿ ਤੁਹਾਡੇ ਨਿੱਜੀ ਹੌਟਸਪੌਟ ਦੀ ਵਰਤੋਂ ਕਰਨ ਦੀ ਕਿਸ ਨੂੰ ਇਜਾਜ਼ਤ ਹੈ ਅਤੇ ਜੇਕਰ ਤੁਸੀਂ ਕਿਸੇ ਪਰਿਵਾਰਕ ਸਾਂਝਾਕਰਨ ਗਰੁੱਪ ਵਿੱਚ ਹੋ, ਤਾਂ ਚੁਣੋ ਕਿ ਕੀ ਤੁਸੀਂ ਖ਼ਾਸ ਪਰਿਵਾਰਕ ਮੈਂਬਰਾਂ ਨਾਲ ਆਪਣਾ ਨਿੱਜੀ ਹੌਟਸਪੌਟ ਆਟੋਮੈਟਿਕਲੀ ਸਾਂਝਾ ਕਰਨਾ ਚਾਹੁੰਦੇ ਹੋ।
Wi-Fi ਰਾਹੀਂ ਨਿੱਜੀ ਹੌਟਸਪੌਟ ਨਾਲ ਕਨੈਕਟ ਕਰੋ
ਤੁਸੀਂ Wi-Fi ਸੈਟਿੰਗਾਂ ਦੀ ਵਰਤੋਂ ਕਰ ਕੇ ਆਪਣੇ iPhone ’ਤੇ ਕਿਸੇ ਹੋਰ ਡਿਵਾਈਸ ਨੂੰ ਨਿੱਜੀ ਹੌਟਸਪੌਟ ਨਾਲ ਕਨੈਕਟ ਕਰ ਸਕਦੇ ਹੋ। ਤੁਸੀਂ ਕੋਈ ਹੋਰ iPhone, iPad, Mac, Windows ਡਿਵਾਈਸ ਅਤੇ ਹੋਰ ਬਹੁਤ ਸਾਰੇ ਡਿਵਾਈਸਾਂ ਨੂੰ ਕਨੈਕਟ ਕਰ ਸਕਦੇ ਹੋ ਜੋ Wi-Fi ਨਾਲ ਕਨੈਕਟ ਹੋ ਸਕਦੇ ਹਨ।
ਜਿਸ ਡਿਵਾਈਸ ਨੂੰ ਤੁਸੀਂ ਆਪਣੇ iPhone ’ਤੇ ਨਿੱਜੀ ਹੌਟਸਪੌਟ ਨਾਲ ਕਨੈਕਟ ਕਰਨਾ ਚਾਹੁੰਦੇ ਹੋ, ਉਸ ’ਤੇ ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:
Touch ID ਵਾਲੇ iPhone ’ਤੇ: ਕੰਟਰੋਲ ਸੈਂਟਰ ਖੋਲ੍ਹਣ ਲਈ ਉੱਪਰੋਂ ਸੱਜੇ ਕਿਨਾਰੇ ਤੋਂ ਹੇਠਾਂ ਵੱਲ ਸਵਾਈਪ ਕਰੋ। Wi-Fi ਨੂੰ ਚਾਲੂ ਕਰਨ ਲਈ
’ਤੇ ਟੈਪ ਕਰੋ, ਫਿਰ ਆਪਣਾ iPhone ਚੁਣੋ।Face ID ਵਾਲੇ iPhone ’ਤੇ: ਕੰਟਰੋਲ ਸੈਂਟਰ ਨੂੰ ਖੋਲ੍ਹਣ ਲਈ ਹੇਠਾਂ ਤੋਂ ਉੱਪਰ ਵੱਲ ਸਵਾਈਪ ਕਰੋ। Wi-Fi ਨੂੰ ਚਾਲੂ ਕਰਨ ਲਈ
’ਤੇ ਟੈਪ ਕਰੋ, ਫਿਰ ਆਪਣਾ iPhone ਚੁਣੋ।iPad ’ਤੇ: ਕੰਟਰੋਲ ਸੈਂਟਰ ਖੋਲ੍ਹਣ ਲਈ ਉੱਪਰੋਂ ਸੱਜੇ ਕਿਨਾਰੇ ਤੋਂ ਹੇਠਾਂ ਵੱਲ ਸਵਾਈਪ ਕਰੋ। Wi-Fi ਨੂੰ ਚਾਲੂ ਕਰਨ ਲਈ
’ਤੇ ਟੈਪ ਕਰੋ, ਫਿਰ ਆਪਣਾ iPhone ਚੁਣੋ।Mac ’ਤੇ: ਮੈਨਿਊ ਬਾਰ ਵਿੱਚ
’ਤੇ ਕਲਿੱਕ ਕਰੋ, ਫਿਰ ਆਪਣਾ iPhone ਚੁਣੋ।Windows ਡਿਵਾਈਸ ਜਾਂ ਹੋਰ ਡਿਵਾਈਸ ‘ਤੇ: ਨਿੱਜੀ ਹੌਟਸਪੌਟ ਨਾਲ ਕਨੈਕਟ ਕਰਨ ਲਈ ਨਿਰਮਾਤਾ ਦੇ ਨਿਰਦੇਸ਼ਾਂ ਦੀ ਪਾਲਣਾ ਕਰੋ।
ਕਨੈਕਟ ਕਰਨ ਲਈ ਤੁਹਾਡੇ ਵੱਲੋਂ ਆਪਣੇ ਨਿੱਜੀ ਹੌਟਸਪੌਟ ਲਈ ਸੈੱਟ ਅੱਪ ਕੀਤਾ ਗਿਆ ਪਾਸਵਰਡ ਭਰੋ। ਜੇਕਰ ਤੁਸੀਂ ਕਿਸੇ ਹੋਰ Apple ਡਿਵਾਈਸ ਕਨੈਕਟ ਕਰ ਰਹੇ ਹੋ ਅਤੇ ਤੁਸੀਂ ਦੋਵੇਂ ਡਿਵਾਈਸਾਂ ‘ਤੇ ਇੱਕੋ ਹੀ Apple ਖਾਤੇ ‘ਤੇ ਸਾਈਨ ਇਨ ਹੋ, ਤਾਂ ਤੁਹਾਨੂੰ ਪਾਸਵਰਡ ਭਰਨ ਦੀ ਕੋਈ ਜ਼ਰੂਰਤ ਨਹੀਂ ਹੈ।
ਨੋਟ: ਜਦੋਂ ਕੋਈ Mac ਤੁਹਾਡੇ ਨਿੱਜੀ ਹੌਟਸਪੌਟ ਨਾਲ ਕਨੈਕਟ ਹੁੰਦਾ ਹੈ, ਤਾਂ ਕਨੈਕਟ ਕੀਤੇ Mac ਦੇ ਸਟੇਟਸ ਬਾਰ ਵਿੱਚ ਨਿੱਜੀ ਹੌਟਸਪੌਟ ਆਈਕਨ
ਦਿਖਾਈ ਦਿੰਦਾ ਹੈ।
ਜਦੋਂ ਤੁਸੀਂ ਹੌਟਸਪੌਟ ਦੀ ਵਰਤੋਂ ਨਹੀਂ ਕਰ ਰਹੇ ਹੁੰਦੇ, ਤਾਂ ਬੈਟਰੀ ਲਾਈਫ਼ ਬਚਾਉਣ ਲਈ ਤੁਹਾਡੇ ਡਿਵਾਈਸ ਆਟੋਮੈਟਿਕਲੀ ਡਿਸਕਨੈਕਟ ਹੋ ਜਾਂਦੇ ਹਨ।
Bluetooth ਰਾਹੀਂ ਨਿੱਜੀ ਹੌਟਸਪੌਟ ਨਾਲ ਕਨੈਕਟ ਕਰੋ
Wi-Fi ਦੀ ਬਜਾਏ Bluetooth ਦੀ ਵਰਤੋਂ ਕਰ ਕੇ Mac ਜਾਂ Windows ਡਿਵਾਈਸ ਨੂੰ ਆਪਣੇ iPhone ‘ਤੇ “ਨਿੱਜੀ ਹੌਟਸਪੌਟ” ਨਾਲ ਕਨੈਕਟ ਕਰ ਸਕਦੇ ਹੋ। ਦੋਵੇਂ ਡਿਵਾਈਸਾਂ ‘ਤੇ Bluetooth ਚਾਲੂ ਹੋਣਾ ਲਾਜ਼ਮੀ ਹੈ।
ਆਪਣੇ Mac ’ਤੇ, ਸਿਸਟਮ ਸੈਟਿੰਗਾਂ ਐਪ ’ਤੇ ਜਾਓ।
ਨੋਟ: ਜੇਕਰ ਤੁਹਾਡੇ Mac ਦਾ ਸੰਸਕਰਨ macOS 12.5 ਜਾਂ ਇਸ ਤੋਂ ਪਹਿਲਾਂ ਦਾ ਹੈ, ਤਾਂ Apple ਮੈਨਿਊ
ਸਾਈਡਬਾਰ ਵਿੱਚ Bluetooth
’ਤੇ ਕਲਿੱਕ ਕਰੋ। (ਤੁਹਾਨੂੰ ਹੇਠਾਂ ਵੱਲ ਸਕ੍ਰੌਲ ਕਰਨਾ ਪੈ ਸਕਦਾ ਹੈ।)ਆਪਣੇ iPhone ’ਤੇ, ਸੈਟਿੰਗਾਂ ਐਪ ’ਤੇ ਜਾਓ, ਫਿਰ Bluetooth ’ਤੇ ਟੈਪ ਕਰੋ।
ਇਹ ਯਕੀਨੀ ਬਣਾਉਣ ਲਈ ਕਿ ਤੁਹਾਡਾ ਡਿਵਾਈਸ ਖੋਜਣਯੋਗ ਹੈ, Bluetooth ਸੈਟਿੰਗਾਂ ਨੂੰ ਖੁੱਲ੍ਹਾ ਰੱਖੋ।
ਤੁਹਾਡੇ Mac ’ਤੇ, ਆਪਣਾ iPhone ਦਿਖਾਈ ਦੇਣ ’ਤੇ ਇਸ ਨੂੰ ਚੁਣੋ। (ਇਸ ਵਿੱਚ ਥੋੜ੍ਹਾ ਸਮਾਂ ਲੱਗ ਸਕਦਾ ਹੈ।)
ਜਿਵੇਂ ਹੀ ਤੁਹਾਡਾ Mac, Bluetooth ਰਾਹੀਂ ਕਨੈਕਟ ਹੁੰਦਾ ਹੈ, ਤੁਹਾਡਾ Mac ਤੁਹਾਡੇ iPhone ’ਤੇ ਮੋਬਾਈਲ ਸੇਵਾ ਕਨੈਕਸ਼ਨ ਦੀ ਵਰਤੋਂ ਕਰ ਸਕਦਾ ਹੈ।
Bluetooth ਦੀ ਵਰਤੋਂ ਕਰ ਕੇ ਆਪਣੇ Windows ਡਿਵਾਈਸ ਨੂੰ iPhone ਨਾਲ ਕਨੈਕਟ ਕਰਨ ਲਈ, Bluetooth ਨੈੱਟਵਰਕ ਕਨੈਕਸ਼ਨ ਦਾ ਸੈੱਟ ਅੱਪ ਕਰਨ ਲਈ ਨਿਰਮਾਤਾ ਦੇ ਦਿਸ਼ਾ ਨਿਰਦੇਸ਼ਾਂ ਦੀ ਪਾਲਣਾ ਕਰੋ।
USB ਕੇਬਲ ਰਾਹੀਂ ਨਿੱਜੀ ਹੌਟਸਪੌਟ ਨਾਲ ਕਨੈਕਟ ਕਰੋ
ਤੁਸੀਂ ਆਪਣੇ iPhone ਨਾਲ ਮਿਲੀ USB ਕੇਬਲ (ਜਾਂ ਕੋਈ ਹੋਰ ਕੇਬਲ ਜੋ ਤੁਹਾਡੇ iPhone ਜਾਂ ਹੋਰ ਡਿਵਾਈਸ ਦੇ ਪੋਰਟ ਨਾਲ ਮੇਲ ਖਾਂਦੀ ਹੋਵੇ) ਦੀ ਵਰਤੋਂ ਕਰ ਕੇ Mac ਜਾਂ Windows ਡਿਵਾਈਸ ਨੂੰ ਆਪਣੇ iPhone ‘ਤੇ “ਨਿੱਜੀ ਹੌਟਸਪੌਟ” ਨਾਲ ਕਨੈਕਟ ਕਰ ਸਕਦੇ ਹੋ।
ਤੁਹਾਨੂੰ ਆਪਣੇ iPhone ‘ਤੇ ਇੱਕ ਅਲਰਟ ਦਿਖਾਈ ਦਿੰਦਾ ਹੈ ਜਿਸ ਵਿੱਚ ਲਿਖਿਆ ਹੈ “ਕੀ ਇਹ ਕੰਪਿਊਟਰ ਭਰੋਸੇਯੋਗ ਹੈ?” “ਭਰੋਸੇਯੋਗ ਹੈ” ‘ਤੇ ਟੈਪ ਕਰੋ। ਅੱਗੇ ਵਧਣ ਲਈ ਤੁਹਾਨੂੰ ਆਪਣਾ ਡਿਵਾਈਸ ਪਾਸਕੋਡ ਭਰਨ ਲਈ ਕਿਹਾ ਜਾ ਸਕਦਾ ਹੈ। ਤੁਹਾਨੂੰ ਆਪਣੇ iPhone ‘ਤੇ ਇੱਕ ਅਲਰਟ ਦਿਖਾਈ ਦਿੰਦਾ ਹੈ ਜਿਸ ਵਿੱਚ ਲਿਖਿਆ ਹੈ “ਕੀ ਐਕਸੈਸਰੀ ਨੂੰ ਕਨੈਕਟ ਕਰਨ ਦੀ ਆਗਿਆ ਦੇਣੀ ਹੈ?” “ਆਗਿਆ ਦਿਓ” ’ਤੇ ਕਲਿੱਕ ਕਰੋ।
ਨੋਟ: ਜੇਕਰ ਤੁਸੀਂ Windows ਡਿਵਾਈਸ ਵਰਤ ਰਹੇ ਹੋ, ਤਾਂ USB ਕੇਬਲ ਰਾਹੀਂ ਆਪਣੇ ਨਿੱਜੀ ਹੌਟਸਪੌਟ ਨਾਲ ਕਨੈਕਟ ਕਰਨ ਲਈ ਤੁਹਾਡੇ ਕੋਲ Apple ਡਿਵਾਈਸ ਜਾਂ iTunes ਇੰਸਟਾਲ ਹੋਣਾ ਚਾਹੀਦਾ ਹੈ। ਦੇਖੋ: Apple ਡਿਵਾਈਸਾਂ ਦੀ ਵਰਤੋਂਕਾਰ ਗਾਈਡ ਜਾਂ iTunes ਵਰਤੋਂਕਾਰ ਗਾਈਡ।
ਜਿਵੇਂ ਹੀ ਤੁਹਾਡਾ Mac ਜਾਂ Windows ਡਿਵਾਈਸ, ਕੇਬਲ ਰਾਹੀਂ ਕਨੈਕਟ ਹੁੰਦਾ ਹੈ, ਇਹ ਤੁਹਾਡੇ iPhone ’ਤੇ ਮੋਬਾਈਲ ਸੇਵਾ ਕਨੈਕਸ਼ਨ ਦੀ ਵਰਤੋਂ ਕਰ ਸਕਦਾ ਹੈ।
ਜੇਕਰ ਤੁਹਾਡਾ ਨਿੱਜੀ ਹੌਟਸਪੌਟ ਕੰਮ ਨਹੀਂ ਕਰ ਰਿਹਾ
ਯਕੀਨੀ ਬਣਾਓ ਕਿ ਤੁਹਾਡੇ ਡਿਵਾਈਸਾਂ ’ਤੇ Wi-Fi ਅਤੇ Bluetooth ਚਾਲੂ ਹਨ।
ਤੁਹਾਡੇ ਡਿਵਾਈਸ ਇੱਕ ਦੂਜੇ ਤੋਂ 30 ਫ਼ੁੱਟ (10 ਮੀਟਰ) ਵਿੱਚ ਹੋਣੇ ਚਾਹੀਦੇ ਹਨ।
ਸਮੱਸਿਆਵਾਂ ਦਾ ਹੱਲ ਕਰਨ ਦੇ ਵਧੇਰੇ ਕਦਮਾਂ ਲਈ, Apple ਸਹਾਇਤਾ ਲੇਖ ਜੇਕਰ ਤੁਹਾਡੇ iPhone ਜਾਂ iPad (Wi-Fi + Cellular) ‘ਤੇ ਨਿੱਜੀ ਹੌਟਸਪੌਟ ਕੰਮ ਨਹੀਂ ਕਰ ਰਿਹਾ ਨੂੰ ਦੇਖੋ।
ਅਨੁਕੂਲਤਾ ਨੂੰ ਵਧਾਉਣ ਲਈ ਸੈਟਿੰਗਾਂ > ਨਿੱਜੀ ਹੌਟਸਪੌਟ ‘ਤੇ ਜਾਓ, ਫਿਰ “ਅਨੁਕੂਲਤਾ ਵਧਾਓ” ਨੂੰ ਸਮਰੱਥ ਕਰੋ। ਚਾਲੂ ਹੋਣ ’ਤੇ “ਅਨੁਕੂਲਤਾ ਵਧਾਓ” ਫ਼ੀਚਰ ਤੁਹਾਡੇ ਨਿੱਜੀ ਹੌਟਸਪੌਟ ਨਾਲ ਕਨੈਕਟ ਕੀਤੇ ਗਏ ਡਿਵਾਈਸਾਂ ਦੀ ਕਾਰਗੁਜ਼ਾਰੀ ਨੂੰ ਘਟਾ ਸਕਦਾ ਹੈ।
ਜਦੋਂ ਤੁਸੀਂ ਆਪਣੇ iPhone ਤੋਂ ਨਿੱਜੀ ਹੌਟਸਪੌਟ ਸਾਂਝਾ ਕਰਦੇ ਹੋ, ਤਾਂ ਇਹ ਇੰਟਰਨੈੱਟ ਕਨੈਕਸ਼ਨ ਲਈ ਮੋਬਾਈਲ ਡੇਟਾ ਦੀ ਵਰਤੋਂ ਕਰਦਾ ਹੈ। ਆਪਣੇ ਮੋਬਾਈਲ ਡੇਟਾ ਨੈੱਟਵਰਕ ਦੀ ਵਰਤੋਂ ਨੂੰ ਮੋਨੀਟਰ ਕਰਨ ਲਈ ਸੈਟਿੰਗਾਂ > ਮੋਬਾਈਲ ਸੇਵਾ ’ਤੇ ਜਾਓ। iPhone ’ਤੇ ਮੋਬਾਈਲ ਡੇਟਾ ਸੈਟਿੰਗਾਂ ਦੇਖੋ ਜਾਂ ਬਦਲੋ ਨੂੰ ਦੇਖੋ।
ਜੇਕਰ ਤੁਸੀਂ “ਪਰਿਵਾਰਕ ਸਾਂਝਾਕਰਨ” ਦੀ ਵਰਤੋਂ ਕਰਦੇ ਹੋ, ਤਾਂ ਤੁਸੀਂ ਆਪਣੇ ਪਰਿਵਾਰ ਦੇ ਕਿਸੇ ਵੀ ਮੈਂਬਰ ਨਾਲ ਆਪਣਾ ਨਿੱਜੀ ਹੌਟਸਪੌਟ ਸਾਂਝਾ ਕਰ ਸਕਦੇ ਹੋ। ਪਰਿਵਾਰਕ ਸਾਂਝਾਕਰਨ ਦਾ ਸੈੱਟ ਅੱਪ ਕਰਨਾ ਨੂੰ ਦੇਖੋ